Літаратурна-музычная імпрэза “Беларуская мова – мелодыя сэрца”

Святкаванне  Міжнароднага  дня  роднай мовы стала добрай традыцыяй для  Валожынскай дзіцячай бібліятэкі.

22.02.2023 г. у Валожынскай дзіцячай бібліятэцы адбылася  літаратурна-музычная імпрэза  “Беларуская мова – мелодыя сэрца” з удзелам Марыі Антонаўны Шакун і сямікласнікаў СШ№1. Мясцовая паэтэса не толькі пазнаёміла  школьнікаў  з уласнай паэзіяй, але і падзялілася  сваімі думкамі аб значэнні роднай мовы ў жыцці кожнага чалавека. Марыя Антонаўна пераканала  прысутных, што ў паэзіі кожнае слова мае свой і колер, і смак, і водар.  Менавіта яе вялікасць Паэзія адорвае цудатворным уменнем тварыць хараство, шукаць таямніцу ў вечным, светлым і святым. Дзеці,  у сваю чаргу, шчыра і пранікнёна чыталі вершы Марыі Антонаўны. Усе прысутныя атрымалі асалоду ад  мілагучных  песен  нашых землякоў Сяргея Макея і гурта  “Дразды” прысвечаных роднай мове.

Свята роднай мовы атрымалася вельмі цёплым, цікавым і запамінальным.