Тыдзень дзіцячай і юнацкай кнігі “Падарожжа па кніжнаму свету”
29.03.2022Пачаліся школьныя вясновыя канікулы, і па традыцыі іх мы прысвячаем дзіцячай кнізе.
Назва свята прыдумана дзіцячым пісьменнікам Львом Касілем, і ўпершыню свята дзіцячай кнігі «Кніжкіны імяніны» было праведзена ў Маскве 26 сакавіка 1943 года. Тады школьнікі ў Калоннай зале Дома саюзаў слухалі выступленні пісьменнікаў – Самуіла Маршака, Сяргея Міхалкова, Агніі Барто, Карнея Чукоўскага, Міхаіла Прышвіна і інш. Некаторыя з гэтых аўтараў прыехалі з фронту. І далей так павялося – праводзіць «Тыдзень» у час вясновых канікулаў.
Насычана і цікава праходзіць Тыдзень дзіцячай і юнацкай кнігі ў Валожынскай дзіцячай бібліятэцы.
А распачаўся тыдзень Днем краязнаўства пад назвай “Падарожжа па роднай зямлі”. Для пачаткоўцаў СШ№1 супрацоўнікі раённага краязнаўчага музея падрыхтавалі мультымедыйную прэзентацыю і здзейснілі завочнае падарожжа па родных мясцінах. Маршрут экскурсіі пралягаў праз Ракаў, Івянец, Пяршаі, Валожын, Вішнева, Багданаў і Лоск. Дзеці пазнаёміліся з гісторыяй населеных пунктаў, знакамітымі суайчыннікамі, заўважылі прыгажосць кожнага куточка роднай зямлі.
Тыдзень дзіцячай і юнацкай кнігі працягваецца. Нашых чытачоў чакаюць шматлікія цікавыя мерапрыемствы.
Мы в соцсетях: